信息圖表庫 - 欺凌者的反省

欺凌嘅後果

#欺凌者
#不要成為欺凌者

欺凌者的反省 / 你點解會欺凌佢？ / 佢冇得罪過我，但我覺得佢唔順眼，佢平時又唔出聲、唔似多朋友，所以我諗就算蝦佢，都應該冇乜同學會幫佢，咁咪揀佢囉。 / 你點樣欺凌佢？ / 同佢改啲好難聽嘅花名，又喺個網度cap佢張相醜化佢，然後用佢個名、相同電話號碼，幫佢喺交友網站上開account，等佢畀人笑。我仲搵咗幾個同學做打手，喺網上作故事唱衰佢，等其他人信以為真。 / 你有冇諗過畀你欺凌嗰個同學嘅感受？ / 冇喎，我理得佢有乜感受，我覺得好玩就得嘞。 / 你有冇諗過欺凌人嘅後果？ / 預咗畀老師鬧，畀學校罰，頂多咪要寫「悔過書」「道歉信」呢啲，寫咪寫囉，無所謂，I don’t care! / 件事過咗成年，點解你而家又對自己欺凌同學有唔同想法？ / 以為只係玩吓嗰個同學，無諗過件事會越搞越大，人哋阿爸阿媽同學校投訴、跟住報警，話要告我。然後訓導主任、校長、學校社工，甚至警察都輪住嚟搵我。 / 我本來以為啲同學會一齊恥笑佢，無諗過佢哋對我嘅行為反感，喺網上公開我點樣欺凌，反而搞到我畀人起底。 / 以為件事隔咗一陣就會無人記得，但直到而家，我欺凌人嘅黑材料可以隨時喺網上畀人搵到。結果有幾次被選拔嘅好機會，人哋就係因為覺得我品格唔好，而唔揀我。 / 而家至明白，自己唔去諗後果，唔等於自己嘅行為無後果。

相關資訊返回